“အလုပ်ထွက်စာတင်မှ ဆွဲထားတာမျိုး နောက်ကျပါပြီ – ‘Employee Retention’ က ဘာကြောင့် အရေးကြီးတာလဲ?”
လုပ်ငန်းရှင်တော်တော်များများဟာ ဝန်ထမ်းတစ်ယောက် ထွက်စာတင်လိုက်မှ “လစာတိုးပေးမယ်၊ ခံစားခွင့်ပေးမယ်” ဆိုပြီး ဆွဲထားတတ်ကြပါတယ်။ ဒါပေမဲ့ လက်တွေ့မှာတော့ ထွက်သွားပြီးသားလူတစ်ယောက်ကို ပြန်ဆွဲထားဖို့ဆိုတာ ဘယ်လိုမှ မဖြစ်နိုင်တော့ပါဘူး။
၀န်ထမ်းတစ်ယောက် အလုပ်ထွက်သွားတဲ့အခါ လူသစ်ပြန်ရှာရခြင်း၊ အင်တာဗျူးရခြင်းနဲ့ လုပ်ငန်းခွင်အသားကျအောင် ပြန်လည်လေ့ကျင့်ပေးရခြင်းတို့အတွက် ကုန်ကျစရိတ်ဟာ ရှိပြီးသား ဝန်ထမ်းကောင်းတစ်ယောက်ကို သေချာထိန်းသိမ်းရတဲ့ စရိတ်ထက် ပိုမိုမြင့်မားပါတယ်။
ယနေ့ခေတ်မှာ ဝန်ထမ်းကောင်းတစ်ယောက် ကုမ္ပဏီမှာ ရေရှည်လက်တွဲဖို့ဆိုတာ ငွေကြေးတစ်ခုတည်းနဲ့ မလုံလောက်တော့ပါဘူး ။ငွေကြေးထက် လုပ်ငန်းခွင်ယဉ်ကျေးမှုနဲ့ စိတ်ကျေနပ်မှုကို ပိုမိုဦးစားပေးလာကြတဲ့အတွက် လုပ်ငန်းရှင်တွေ လုပ်ဆောင်သင့်တဲ့ Employee Retention လျှို့ဝှက်ချက် (၃) ချက် ကို မျှဝေပေးလိုက်ပါတယ်။
🎯 ‘Stay Interview’ ပြုလုပ်ပါ:
ဝန်ထမ်းတွေ ထွက်သွားမှ အကြောင်းရင်းကို မေးမြန်းတဲ့ Exit Interview မျိုးထက် လက်ရှိ လုပ်ကိုင်နေဆဲ ဝန်ထမ်းကောင်းတွေကို ကုမ္ပဏီမှာ ဘာကြောင့် ဆက်လုပ်နေလဲ၊ ဘာတွေ ပိုမိုလိုအပ်နေလဲဆိုတာကို ကြိုတင်ပွင့်ပွင့်လင်းလင်း မေးမြန်းဆွေးနွေးပါ။
📈 ရှင်းလင်းသော အနာဂတ်လမ်းကြောင်း ပြသပါ (Career Growth):
ဝန်ထမ်းအများစု အလုပ်ထွက်ရခြင်းရဲ့ အဓိကအကြောင်းရင်းကတော့ လမ်းပျောက်နေခြင်းကြောင့် ဖြစ်ပါတယ်။ ကုမ္ပဏီမှာ ဆက်လုပ်ရင် သူတို့ရဲ့ ရာထူး၊ လစာနဲ့ အရည်အချင်းတွေ ဘယ်လိုတိုးတက်လာမလဲဆိုတဲ့ ပြက္ခဒိန် (Career Roadmap) ကို ရှင်းရှင်းလင်းလင်း ချပြပေးထားရပါမယ်။
🤝 ၃။ အလုပ်ထက် ‘လူ’ ကိုပါ တန်ဖိုးထားပါ (Empathy & Recognition):
အမှားလုပ်မိမှာ မကြောက်ဘဲ အကြံဉာဏ်သစ်တွေ ဖန်တီးခွင့်ရှိတဲ့ စိတ်ပိုင်းဆိုင်ရာလုံခြုံမှု ပေးရပါမယ်။ ထို့ပြင် ၎င်းတို့ရဲ့ ကြိုးစားအားထုတ်မှုအသေးလေးတွေကိုပါ မန်နေဂျာများက လှိုက်လှဲစွာ အသိအမှတ်ပြု ချီးကျူးပေးခြင်းက ဝန်ထမ်းတွေရဲ့ သစ္စာရှိမှုကို အပြည့်အဝ ရရှိစေပါတယ်။
“ဝန်ထမ်းတွေကို ထိန်းသိမ်းခြင်းဆိုတာ စည်းကမ်းတွေနဲ့ ပိတ်လှောင်ထားခြင်းမဟုတ်ဘဲ ၎င်းတို့ ပျော်ရွှင်စွာ တိုးတက်နိုင်မည့် ပတ်ဝန်းကျင်တစ်ခုကို ဖန်တီးပေးခြင်း ဖြစ်ပါတယ်”
#Ammon_Consulting #EmployeeRetention #HRManagement #WorkplaceCulture #TalentManagement #AmmonConsulting #MyanmarBusiness #EmployeeEngagement #HRTips #CareerGrowth #StayInterview
